Uncategories
មុខងារពិសេសទាំង 8 របស់ Note 7 ដែលអ្នកប្រហែលជាមិនដឹង
មុខងារពិសេសទាំង 8 របស់ Note 7 ដែលអ្នកប្រហែលជាមិនដឹង
កាលពីថ្ងៃទី 02 ខែសីហាកន្លងទៅនេះ ក្រុមហ៊ុន Samsung បានប្រកាស នូវស្មាតហ្វូនត្រកូល Note ជំនាន់ថ្មីរបស់ខ្លួនរូចរាល់ហើយ ហើយយើងក៏បានដឹងពីមុខងារពិសេសសំខាន់ៗមួយចំនួន ដែល Samsung បានបង្ហាញកាលពីយប់នោះរួចហើយដែរ។ Galaxy Note 7 វាមានចំនុចល្អច្រើន ដូចដែលយើងបានរំពឹងទុកអញ្ជឹង ដូចជាមានអាវក្រោះការពារទឹក ប្រព័ន្ធដោះសោរទូរស័ព្ទ ដោយប្រើប្រស្រីភ្នែកជាដើម គ្រាន់តែវាមានតម្លៃរាងថ្លៃបន្តិច ប្រហែល 850$ (តម្លៃទីផ្សារអឺរ៉ុប)។
ប្រសិនអ្នកទើបតែជ្រើសយកស្មាតហ្វូនត្រកូល Note នេះមកប្រើជាលើកដំបូងនោះ អ្នកប្រាកដជាមិនដឹងថា Galaxy Note 7 នេះវាមានអ្វីថ្មីប្លែក និងមុខងារពិសេសៗអ្វីខ្លះនោះទេ។ ពេលនេះយើងនឹងបង្ហាញពីមុខងារពិសេសៗមួយចំនួនដែលបានបង្កប់មកជាមួយ Galaxy Note ជំនាន់ថ្មីនេះ៖
1. Folder សំងាត់
ស្មាតហ្វូន Android មានកម្មវិធីជាច្រើនសំរាប់អោយអ្នកជ្រើសរើសមកប្រើប្រាស់ដើម្បីការពារ រឺចាក់សារ Folder របស់អ្នកអោយមានសុវត្ថិភាព។ ចំពោះ Note 7 នេះវាបានបំពាក់នូវមុខងារពិសេសថ្មី ដែលអាចរក្សាការពារ ឯកសារផ្សេងៗរបស់អ្នកកាន់តែមានសុវត្ថិភាពខ្ពស់ជាងមុន ដែលអ្នកអាចចាក់សោរ Folder ដើម្បីលាក់កម្មវិធីមួយចំនួនវា ដោយប្រើប្រាស់ក្រយ៉ៅដៃ ស្គេនប្រស្រីភ្នែក រឺដាក់លេខសំងាត់ ក៏បានដែរ។
2. មុខងារសន្សំសំចៃថាមពលថ្ម
ដើម្បីអោយការប្រើប្រាស់របស់លោកអ្នកបានកាន់តែយូរជាងមុនអ្នកអាចផ្លាស់ប្ដូរកំរិតអេក្រង់ពី QHD ទៅ FHD រឺដល់ HDក៏បាន និងបន្ថយកំរិតពន្លឺ ដែលវាជាការ សន្សំសំចៃថ្មដ៏ខ្ពស់មួយ។
3. អាចដាក់ចូលនិងប្រើក្នុងទឹកបាន
Samsung បានបំពាក់នូវអាវក្រោះការពារការជ្រាបទឹកនៅលើ Note 7 ដូចទៅនឹង Galaxy S7/ S7 Edge ដែរ ប៉ុន្តែ IP68 ដែលបានបំពាក់នៅលើ Note 7 នេះគឺអ្នកអាចប្រើប្រាស់ស្មាតហ្វូន រួមជាមួយប៊ិច S Pen នៅក្រោមទឹកភ្លៀង រឺនៅក្នុងទឹកបាន។
4. ការមើលវីដអូ HDR ផ្សាយផ្ទាល់
Galaxy Note 7 គឺជាស្មាតហ្វូនដំបូងគេដែលអនុញ្ញាតអោយអ្នកអាចទស្សនាវីដេអូផ្សាយផ្ទាល់ នៅក្នុងគុណភាព HDR បាន នេះមានន័យថា វីដេអូនឹងមានពណ៌ ពន្លឺដិតច្បាស់ល្អជាងមុន មិនស្លេកនោះទេ។
5. ប្រើ S Pen បង្កើតរូបភាព Gif\
6. មុខងារ Blue light filter
នៅកន្លែងផ្ទាំងកំណត់អេក្រង់ក្នុង Note 7 នេះ Samsung បានបន្ថែមចំនុចបិទបើកថ្មីមួយនៅខាងក្រោម brightness គឺ Blue light filter ដែលជួយដល់ការប្រើប្រាស់ កុំអោយជះពន្លឺពណ៌ខៀវ ដែលប៉ះពាល់ ដល់ ភ្នែករបស់យើង ក្នុងពេលរាត្រី។
ចំពោះប្រិយមិត្តដែលជាអ្នកគាំទ្រ Galaxy note នោះច្បាស់ជាពេញចិត្តជាមួយនឹងមុខងារ និងលក្ខណៈពិសេសមួយចំនួនដែលភ្ជាប់មកជាមួយ Note 7 នេះ។ សំរាប់តំលៃ និងថ្ងៃដាក់លក់នោះយើងមិនទាន់បានដឹងនៅឡើយទេ សង្ឃឹមថានៅពេលដែលវាចេញលក់នោះ អ្នកទាំងអស់គ្នានឹងជ្រើសយក Note7 នេះមកប្រើប្រាស់ទាំងអស់គ្នា។
EmoticonEmoticon