Huawei បញ្ចេញផាប្លេតស៊េរីថ្មី ដែលមានសមត្ថភាពអស្ចារ្យ ទាំងអេក្រង់ និងកំលាំងម៉ាស៊ីន!
នេះជាផាប្លេតស៊េរីថ្មីមួយ របស់ Huawei ដែលទើបប្រកាសជាផ្លូវការ ហើយវាមានឈ្មោះថា Honor V8 ដែលមានអេក្រង់ទំហំ 5.7 អ៊ីង, អាចបង្ហាញរូបភាពដល់កម្រិតច្បាស់ 1440 x 2560 QHD និងប្រើប្រាស់បន្ទះឈីប Kirin 950 SoC ជាមួយស៊ីភីយូ 8 គ្រាប់ ថែមទាំងរ៉េមទំហំ 4GB ប្រភេទ LPDDR4 ។ មានជម្រើសអង្គផ្ទុកទិន្នន័យ 32GB, 64GB និង 128GB ថែមទាំងអាចបន្ថែមមេម៉ូរីក្រៅបានទៀតផង។
ផាប្លេតនេះមានកាមេរ៉ាក្រោយចំនួន 2 ទំហំ 12 មេហ្គាភិចសែល អាចថតរូបភាពបានជាលក្ខណៈ 360 ឌឺក្រេ, កាមេរ៉ាមុខទំហំ 8 មេហ្គាភិចសែល, មានសេនស៊ឺស្គេនម្រាមដៃ, មានថាមពលថ្មទំហំ 3500mAh និងមានបច្ចេកវិទ្យាសាកបញ្ចូលថ្មរហ័ស។ ផាប្លេតនេះក៏មានប្រើប្រាស់រន្ធ USB Type-C, បច្ចេកវិទ្យា NFC, Huawei Pay, ដំនើរការប្រព័ន្ធប្រតិបត្តិការ Android 6.0 អមជាមួយ EMUI 4.1។ ចំពោះតម្លៃលក់លើទីផ្សារប្រទសក្រៅ សម្រាប់អង្គផ្ទុកទិន្នន័យ 32GB តម្លៃ 384 ដុល្លារ, សម្រាប់អង្គផ្ទុកទិន្នន័យ 64GB តម្លៃ 430 ដុល្លារ និងសម្រាប់អង្គផ្ទុកទិន្នន័យ 128GB មិនទាន់មានបញ្ជាក់ពីតម្លៃនៅឡើយទេ។
នេះពិតជាផាប្លេតមួយ ដែលមានតម្លៃធូរថ្លៃ ហើយសមត្ថភាពវិញ មិនធម្មតាអាចតតាំងជាមួយស្មាតហ្វូនកំពូលៗរបស់ស្មាតហ្វូន ឬផាប្លេតដទៃបាន ស្របជាមួយតម្លៃប៉ុណ្ណេះពិតជាល្អ តែបើលក់នៅក្នុងស្រុកយើង អាចមានតម្លៃថ្លៃជាងនេះបន្តិច។
EmoticonEmoticon